Стравот се потврди: Европското првенство го започнуваме без специјалистот за одбрана!

Oна од што стравувавме вечерва се потврди – повредата на Велко Маркоски не е наивна.

Од Ракометната федерација на Македонија вечерва соопштија дека Маркоски кој е важен играч во одбраната ќе мора да отсуствува 14 дена. Маркоски утре ќе се врати во Македонија каде ќе има дополнителни прегледи.

„Почитувани, ве известуваме дека по направените дополнителни медицински прегледи во Очната Клиника во Љубљана и добиените резултати констатирано е дека Велко Маркоски ќе треба да отуствува 14 дена (повреда на левото око, по ударот со топка од страна на Бомбач). Велко Маркоски утре вечер се враќа за Македонија каде што во понеделник ќе има дополнителни прегледи и ќе продолжи со рехабилитација!“’, стои објавата на официјалниот Фејсбук на ракометната федерација.