Спремете се за револуција: Во Франција навивачи водат клуб – преку апликација!

Во Франција постои клуб кој е воден од навивачите, но во буквална смисла!

Авангард Каен е клуб кој се натпреварува во шестата лига во Франција, а на малиот стадион под Нормандија околу 600-тина навивачи без притисок навиваат за својот тим.

Над теренот има нешто како ВАР соба и во таа соба има луѓе кои онлјан комуницираат со тренерот.

Тие луѓе ја користат апликацијата „United managers“, односно соединети менаџери и на тој начин „обичните“ луѓе го водат тимот. Во суштина изгледа како да играте „Фудбал Менаџер“, само што се соживуваате со таа улога – можете да правите измени, менувате формација, ставате играч понапред или поназад и што уште не.

Оваа апликација е направена токму за тимот на Авангард и до неа можат да пристапат најмногу 1200 корисници. Одлуките се носат во живо и преку анкети кои се поставени во наведената апликацијата. Тренерот на клупата е само посредник и негово е да го извршува она што навивачите го бараат преку апликацијата.

„Тоа е како остварување на сонот. Имаме моќ да направиме што сакаме за својот тим“, изјави еден од навивачите кој е корисник на апликацијата.