Скандал: Капитенот на Нигерија на СП не е фудбалер

Скандал ја тресе ФИФА и актуелното Светското првенство за млади до 20 години кое се одржува во Аргентина, поради капитенот на репрезентацијата на Нигерија Даниел Бамеји

Според официјалните податоци Бамеји кој има 17 години е пријавен како фудбалер на Јум Јум во Нигерија, но тој воопшто не бил регистриран во нигериската федерација, па така не може да биде регистриран и во ФИФА.

Најинтересно во целата ситуација е што таков клуб Јум Јум не постои.

Бамеји од октомври лани бил повикуван за селекцијата до 23 години, оваа до 20 години, ама и за А-селекцијата во пријателски меч со Костарика. Бил повикан и за квалификациите за Африканскиот куп на нации, во март годинава, против Гвинеја Бисау.

„Повикан е затоа што е добар дефанзивец кој може да помогне и како стопер и како десен бек. Можеби има играчи кои играат на повисоко ниво, но јас бирам играчи со квалитет за одредена позиција“, изјави селекторот Жозе Песеиро.