Сити има 115 обвиненија, може да биде исфрлен од Премиер лигата

Манчестер Сити се соочува со сериозни проблеми откако му беа поднесени 115 пријави, па освен голема парична казна, би можел да биде исфрлен и од Премиерлигата.

Обвинението вклучува девет сезони во кои клубот не обезбедил точни финансиски извештаи за исплатите, а „Тајмс“ пишува дека постапката против клубот ќе почне на средината на септември и ќе трае 10 недели.

Премиерлигашот отфрли дека е виновен, па ќе има шанса да се брани на суд, додека пресудата се очекува во текот на следната година.

Во 2019 година УЕФА го исфрли Манчестер сити на две сезони од европските натпреварувања, но тогаш Спортскиот арбитражен суд ја укина оваа одлука. Како блага казна во овој случај ќе се смета одземањето бодови.