Сејдини: Самото учество на Европското првенство беше предизвик, фудбалерите го дадоа максимумот

Фудбалската репрезентација на Македонија денес пристигна во Скопје по настапите на Европското првенство.

Претседателот на Фудбалската федерација на Македонија, Муамед Сејдини на денешниот пречек објави дека е задоволен од настапот на репрезентацијата.

„Уште во декември беше комплетирана организацијата за Европското првенство. Самото учество за нас беше предизавик. Играчите го дадоа својот максимум, а можеби поради неискуството поминаа како што поминаа. Мојот однос како претседател на Фудбалската федерација на Македонија со Игор Ангеловски е ист каков што бил и досега“, изјави Сејдини.

Ангеловски веќе најави дека после 31. јуни нема да биде селектор на Македонија, а како опција за негов наследник најмногу се споменува селекторот на младинците Благоја Милевски.