Серија А го казни Пандев со 2.000 евра

Maкедонската фудбалска икона Горан Пандев е казнет од страна дисциплинската комисија на Италија.

Дисциплинската комисија во Италија одреди 12 казни за 25-тото коло во Серија А, а помеѓу оние кои ќе плаќаат казна се најде и Пандев.

Пандев во финишот од натпреварот помеѓу Џенова и Лацио имаше еден обид да изглуми пенал. Неговата глума не беше успешна, судијата не наседна и му покажа жолт картон за симулација.

Сега се покажа дека жолтиот картон нема да биде единствената казна за Пандев. Дисциплинската комисија му одреди парична казна на Пандев во износ од 2000 евра.

Во следното коло од италијанското првенство Пандев со својата Џенова игра на гостински терен против Киево.