Хорхе Сампаоли денеска го објави конечниот список на селекцијата на Аргентина за Мундијалот, а на него не се најде напаѓачот на Интер, Мауро Икарди.
Сампаоли неодамна го објави поширокиот список на кој беше и Икарди, но многумина беа сигурни дека напаѓачот на Интер нема да заигра во Русија. Денеска тие шпекулации се потврдија кога селекторот на Гаучосите го објави конечниот список.
Ќе го решиме проблемот со отпадот ако го гледаме како ресурс, а не како ѓубре! | Уште еден поткаст
Икарди оваа сезона повторно беше најдобар поединец во екипата на Интер, а заедно со Чиро Имобиле ја делат наградата за најдобар стрелец во Серија А, но тоа не беше доволно Сампаоли да го повика за СП, а денеска објасни и зошто.
„До конечниот список дојдовме после долги и сериозни анализи. На списокот се најдоа играчи за кои мислам дека го играат нашиот стил најдобро што можат. Еве на пример, го избрав Ансалди бидејќи може да игра на двете бековски позиции. Икарди, Пероти , Гомез и Мартинез нема да одат во Русија со нас, но знаеме дека се добри играчи.“- рече Сампаоли.
Учество во игри на среќа е дозволено за лица со 18+ години. Играј одговорно!