Гваридола доби жестоки критики: „Подобро е 0:3, отколку 0:4“ (Видео)

Тренерот на Манчестер сити Пеп Гвардиола, по поразот од Реал во Мадрид со резултат 3:0, мораше да одговара на многу незгодни прашања од новинарите.

На прес-конференцијата шпанскиот тренер најпрво истакна дека шансите на неговиот тим да продолжи понатаму не се големи.

„”Не се сјајни во моментов. Претпоставувам дека 0:3 е подобро отколку 0:4 (Винисиус промаши пенал). Секако, ќе се обидеме. Ќе анализираме што можеме да подобриме, ќе бидеме поактивни во последната третина и ќе дадеме се од себе“, рече Гвардиола.

Пред мечот, тренерот на Реал, Алваро Арбелоа изјави дека Гвардиола сигурно ќе изненади со почетниот состав, што и се обистини.

Манчестер сити започна со Џереми Доку, Савињо и Абдукодир Хусанов во стартниот состав, додека Нико О’Рајли од средината на теренот се префрли на позицијата лев бек.