Асистенцијата на Куртоа против Сити за него беше втора сезонава – двете можат да бидат помеѓу најдобрите потези! (Видео)

Фудбалерите на Реал Мадрид го совладаа Манчестер Сити синоќа со резултат 3:0, благодарение на хет-трикот на Федерико Валверде, а одлична вечер имаше и Тибо Куртоа.

Со неколку извонредни одбрани, од кои особено се истакнува онаа од 75-та минута кога го одбрани ударот на Нис О’Рејли од близина, Куртоа запиша и асистенција за првиот гол на Реал.

Белгиецот на спектакуларен начин го најде Валверде од својот шеснаесетник, а Уругваецот рутински го совлада Џанлуиџи Донарума.

Она што е особено интересно е дека ова беше втора асистенција на Куртоа сезонава во Лигата на шампионите.

Courtois’s two assists this season are both contenders for the UEFA Champions League Assist of the Season. 😭pic.twitter.com/iS4zQpM9yE

— 10 (@Kylian) March 11, 2026

Куртоа асистираше и во натпреварот од лигашката фаза против Кајрат кога од својот шеснаесетник го пронајде Килијан Мбапе за вториот гол на Реал, во победата од 5:0 на гости кај Кајрат.

Двете асистенции се навистина извонредни и заслужуваат да се најдат меѓу најдобрите потези оваа сезона во елитното европско клупско фудбалско натпреварување.