САЛАХ ВО ПРОБЛЕМИ: Ливерпул ја губи титулата!?

За да направат нешто повеќе, односно да ја освојат титулата, на Ливерпул им е потребен многу подобар Салах.

Клоп го замени на „Олд Трафорд“, никој не очекуваше дека Египѓанецот ќе ја повтори минатата сезона, но тој престана да биде факторот кој одлучуваше во најважните натпревари. Имено, Салах не е во форма, тоа го покажа во натпреварот со Јунајтед, но во текот на целата сезона во дербињата редовно разочарува. Бидејќи, бројките не лажат.

Салах во натпреварите против првите шест тима оваа сезона, а Ливерпул до сега одигра осум такви натпревари постигна еден гол, и тоа од пенал и има уште една аситенција. „Црвените“ се надеваат дека ќе се пробуди, сега кога влегуваме во трите месеци кои одлучуваат за сезоната, Ливерпул го дочекува Вотфорд во вондредното коло, а следниот викенд ги очекува „Мерсисајд“ дербито.

Потсетуваме, имаат бод предност во однос на шампионот, екипата на Сити.