Роналдо ја „боцна“ Рома: Се сеќавам ме молеа да престанам да дриблам

Португалецот беше немилосрден кон „Волчицата“.

Дербито на 17-тото коло во Серија А наредниот викенд се игра во Торино каде што Јувентус на свој терен ќе ја пречека Рома.

Шампионот на Италија е голем фаворит во овој натпревар, а сега Роналдо испрати и мала провокација до противникот.

Португалецот го искористи реванш натпреварот од четвртфиналето од Лигата на шампионите во сезоната 2006/2007 кога Јунајтед ја декласираше Рома со 7:1, после поразот од 2:1 во првиот натпревар.

„Добро се сеќавам, водевме 6:0 кога еден фудбалер на Рома ме замоли да престанам да дриблам. Други пак се закануваа дека ќе ме повредат. Во овој состав на Рома нема никој со кој би можел да го разменам дресот на крајот од натпреварот“, изјави Роналдо.

https://www.youtube.com/watch?v=J1v4pDnxFbw