Роналдо за ривалството со Меси: Готово е – заврши!

Кристијано Роналдо истакна дека неговото ривалство со Лионел Меси е завршено.

Пред продолжување од квалификациите на Европското првенство 2024, Роналдо порача дека ривалството помеѓу него и Меси било „здраво“ и добро за навивачите.

Португалецот минатата зима ја напушти Европа и премина во Ал Наср од Саудиска Арабија, додека Меси се одлучи за МЛС лигата.

„Ривалитетот е завршен. Беше добар и здрав кој на навивачите многу им се допадна. Кој го сака Роналдо не мора да го мрази Меси и обратно, двајцата сме добри. Ја променивме историјата. Цените сме во целиот свет, тоа е најважно. Тој има свој пат, јас мој, дури и ако играме надвор од Европа. Како што кажав ја делевме истата бина 15 години и на крајот бевме, не би кажал пријатели, бидејќи не сме излегле на вечера, но професионални колеги и се почитуваме еден со друг“, изјави Роналдо.