Роналдо до ПСЖ: Пет години бев дел од „Галактикоси“ и не ја освоив Лигата на шампионите

Легендарниот бразилски фудбалер Роналдо, а сегашен претседател на шпански Ваљадолид испрати предупредување до ПСЖ дека не се потребни само најдобрите играчи за да се освои Лигата на шампионите.

Роналдо посочи дека за освојување на најпосакуваниот европски клупски трофеј треба да се поклопат повеќе работи.

„Рано е да кажеме кој ќе ја освои Лигата на шампионите, ПСЖ во овој момент можеби е во пол позиција, но работите на теренот се сосема нешто други. Многу фактори влијаат на освојувањето на Лигата на шампионите. Јас пет сезони бев дел од „Галактикосите“ на Реал Мадрид, а никогаш не ја освоив Лигата на шампионите“, изјави Роналдо.