Рома со Барселона за Перез ја договори една од најчудните клазули

Карлес Перез денес потпиша договор со Рома.

Младиот 21 годишен фудбалер пристигна на позајмица од Барселона до крајот на сезоната, а римскиот клуб ќе има обврска да го откупи за 11 милиони евра.

Клазулата која ја договорија Рома и Барселона во овој трансфер е неверојатна и необична, а тимот од „Ноу Камп“ со таа клазула се обезбеди дека ќе го продаде Перез.

Имено, Рома ќе има обврска да го откупи Перез ако освои барем еден бод до крајот на првенството и ако Перез одигра барем еден натпревар.

Нема дилеми дека тоа ќе се случи многу брзо, па јасно е дека Рома наредното лето ќе го има неговиот договор во целост.