Реткост во модерниот фудбал: Одби два гиганти за да остане во клубот со кој избори промоција

Киран Мекена се најде во центарот на вниманието на фудбалската јавност откако успеа неговиот Ипсвич да го внесе во Премиер лигата.

Долго време чекаше Ипсвич да се врати во друштвото на најдобрите, па затоа и славјето во редовите на овој тим беше големо. Но, истовремено се вклучи алармот кај големите клубови кои се во потрага по нов тренер.

Манчестер Јунајтед и Челзи се распрашувале за можноста да го доведат овој 38-годишен стратег, меѓутоа тој одлучил да не ја промени средината.

Не се чести ваквите случаи во денешниот модерен фудбал, а Мекена сигурно е пример за лојалност.

Најавите од Островот се дека Мекена како награда ќе добие нов договор во кој ќе има клазула за раскин на договорот во износ од 10 милиони евра со што ќе му биде овозможено во иднина да премине во поголем клуб.