Проблем за Ангеловски: Велковски го пропушта натпреварот со Романија

Селекторот на македонската фудбалска репрезентација, Игор Ангеловски се соочува со нов проблем пред вечерашниот натпревар против Романија.

Дарко Велковски после вчерашниот тренинг почувстувал болки во бутниот мускул, па Ангеловски нема да ризикува ништо со со него во овој дуел. Велковски ќе остане со репрезентација со надеж дека нема да има проблеми да настапи против Лихтенштајн и Германија.

Од последната линија Ангеловски за овој дуел ги има Висар Муслиу, Кире Ристевски и Егзон Бејтулаи.

Натпреварот со Романија се игра вечерва со почеток од 20:45 часот.