Преговорите во завршна фаза, Стерлинг е блиску до Челзи

Раководството на Челзи е уверено дека ќе успее да го привлече Рахим Стирлинг од Манчестер Сити, пренесуваат медиумите на Островот.

Договорот на Стерлинг истекува следното лето, а преговорите за продолжување на соработката се во застој. Тој го изгуби местото помеѓу стартерите кај Гвардиола, јавно го изрази своето незадоволство размислува да си замине од „Етихад“.

Сити нема намера да дозволи Стерлинг да замине како слободен агент и поради тоа е спремен да го продаде ова лето, а најсериозен интерес покажува Челзи.

Двата клуба започнаа преговори и Сити ја одби првата понуда од „сините“ од 25 милиони фунти.

Челзи се надева дека наскоро двата клуба ќе најдат заеднички јазик за трансферот и дека ќе се реализира за 40 милиони фунти.

Стирлинг е во Манчестер Сити веќе седум сезони во кои постигна 131 гол на 339 натпревари, а Тухел верува дека идеално ќе се вклопи во неговиот стил на игра.