Прво засилување за „Пандевци“ во паузата: Иван Николов го потпиша првиот професионален договор

Академија Пандев во текот на паузата се засили со млад фудбалер.

Првиот професионален договор во својата кариера го потпиша 17 годишниот Иван Николов кој веќе три години е дел од младинските категории на Струмичани.

“Иван Николов потпиша професионален договор со Академија Пандев. Николов е дел од Академија Пандев веќе три години каде настапуваше за младинските категории, а од оваа сезона е важен дел и во сениорскиот тим. Академија Пандев гледа светла иднина во 17-годишниот репрезентативец на Македонија и ова е првиот негов професионален договор што не прави посебно горди. Му посакуваме многу успешни настапи во сино-белиот дрес, а еден ден и како дел од некој европски великан“, стои во објавеното соопштение на Фејсбук страната на Академија Пандев.