Откако пропадна трансферот во Рома, Милик се сели во Премиер лигата

Иако беше блиску до трансфер во Рома, се чини дека напаѓачот на Наполи, Милик е на пат кон Лондон.

Полскиот репрезентативец не е во добри односи со Наполи и јасно е дека во клубот повеќе не сметаат на неговите услуги. Обидот за трансфер на Олимпико пропадна, што значи пропадна и трансферот на Џеко во Јувентус.

Рома ќе го задржи Џеко, Јуве на негово место го донесе Мората, а Милик ќе мора да бара нов клуб. Според последните информации, неговата следна дестинација ќе биде Тотенхем.

Договорот на Милик со Наполи е со важност до крајот на сезоната, па клубот со продажбата сака да заработи бидејќи на крајот може да го загуби бесплатно.