Квалификациите за Светското првенство се приближуваат кон самиот крај, а веќе се познати 29 репрезентации кои следното лето ќе ги видиме во Русија.
Последниот тим кој го обезбеди билетот за Русија е Шведска, која синоќа сензационално ја елиминираше Италија која ќе го пропушти првиот Мундијал по полни 60 години. Во изминатите неколку дена пласман обезбедија Хрватска, Швајцарија и Мароко.
Вака се слави гол во 120-та минута!!! ↓↓↓
На Светското првенство ќе играат домаќинот Русија, потоа Бразил, Уругвај, Аргентина, Колумбија, Мексико, Костарика, Панама, Иран, Јужна Кореја, Јапонија, Саудиска Арабија, Нигерија, Египет, Сенегал, Тунис, Мароко, Белгија, Германија, Англија, Шпанија , Полска, Исланд, Србија, Португалија, Франција, Швајцарија, Хрватска и Шведска.
Останаа уште само три непознати места, но и последните учесници за многу кратко време ќе се дознаат, вечерва реванш во баражот го играат Ирска и Данска (0:0), утре наутро Австралија и Хондраус (0:0) и во текот на ноќта од среда на четврток Перу и Нов Зеланд (0:0).