Еден од најчитаните европски весници, германскиот „Билд“ на денот на ждрепката излезе со ексклузивна вест – УЕФА спрема ново, трето натпреварување!
Имено, третото натпреварување би било наменето за условно кажано помалите клубови, односно со нивото на квалитетот би било под Лигата на шампионите и Лигата на Европа.
Александар Вучковски - сомелиер: Како македонските вина го освојуваат светот? ↓↓↓
Новото натпреварување би донело и промени во Лигата на Европа.
Лигата на шампионите би продолжила да се игра со 32 клуба, додека во Лигата на Европа место 48 клубови како што е тоа сега случај, би учествувале 32.
Во третото европско натпреварување, Куп на Европа (името официјално ќе биде подоцна утврдено) би имало исто така 32 учесници.
Новото натпреварување би било производ на двете најмоќни фудбалски организации во Европа УЕФА и ЕКА, а ќе има за цел подигнување на атрактивноста на Лигата на Европа, како и спортскиот квалитет.
Од друга страна поголем број клубови од помалите фудбалски земји како Скандинавија или источна Европа можат да сметаат на место во новоформираното натпреварување.
Доколку ова натпреварување се формира не би било потребно зголемување на бројот на учесници во Лигата на Европа на 64, како што првобитно било планирано, пишуваат Германците.
Како година кога би можело да стартува ова натпреварување се најавува 2021.
Учество во игри на среќа е дозволено за лица со 18+ години. Играј одговорно!