Нико Ковач се враќа во Бундеслигата!

Познатиот хрватски стратег Нико Ковач се наоѓа пред нов ангажман.

Како што пренесуваат германските медиуми 50-годишниот стратег ќе седне на клупата на Волфсбург во новата сезона од Бундеслигата. Волфсбург зад себе има разочарувачка сезона во која завршија како 12-ти во Бундеслигата и одлучено беше да се прекине соработката со тренерот Флоријан Кохфелд.

На негово место како што стојат работите ќе дојде Ковач. Преговорите скоро и да се завршени и за Ковач ова ќе биде враќање во Бундеслигата после две години.

Ќе потсетиме, Нико Ковач во Бундеслигата со многу успех го водеше Ајнтрахт, потоа доби шанса во Баерн каде што не се прослави. Неговиот последен ангажман беше во Монако каде што се задржа година ипол.