Нејмар откри зошто носи „десетка“ во Бразил, негова желба бил друг број

Звездата на Пари Сен Жермен, Бразилецот, Нејмар да Силва, откри дека никогаш не била негова желба да го носи дресот со број 10 во репрезентацијата.

Дресот со овој број во Бразил го носеа Пеле, Ривалдо, Роналдињо, Кака и Зико, а сега го носи напаѓачот на клубот од Париз.

Сепак, Нејмар тврди дека негов избор не бил тој број. Во Бразил по традиција „десетката“ се доделува на најдобриот играч, а Нејмар бил убедуван од соиграчот да го прифати.

„Пред Купот на конфедереции во 2013 година, тогашниот селектор Луис Фелипе Сколари ги делеше броевите и јас му кажав дека сакам 7-ка или 11-ка. Дани Алвес само ме погледна и ми кажа, ти се десетка, облекувај го тоа. Мораш ова го искористиш“, изјави Нејмар.

Нејмар сега носи „десетка“ и во ПСЖ. Во Бразил може да се каже дека и ги оправда очекувањата со оглед дека е трет најдобар стрелец во историјата на оваа репрезентација. Со 26 години, постигна вкупно 59 голови во дресот на „Кариоките“ и забележа 94 настапи.

За крај откри и зошто сакал да носи „седумка“.

„Мој идол секогаш беше Робињо и затоа и во Сантос носев седмица“, откри Нејмар.