Несторовски по една сезона заминува од Удинезе, но останува во Италија?

Maкедонскиот напаѓач Илија Несторовски може да замине од Удинезе после завршувањето на актуелната сезона.

Несторовски минатото лето како слободен играч од Палермо дојде во Удинезе меѓутоа медиумите во Италија пишуваат дека Прилепчанецот не ги исполнил очекувањата на клубот па по постои можност да замине.

Најголем интерес за Нестор наводно покажал Кротоне. Меѓутоа за овој трансфер да може да се реализира Кротоне прво треба да се избори за место во Серија А. Ќе потсетиме во минатото за Кротоне играше заменик капитенот на македонската репрезентација Стефан Ристовски.

Покрај Кротоне интерес за Несторовски покажале Фросиноне и Монца, клубот на Берлускони и Галијани.

Во Удинезе Несторовски сезонова до овој момент постигна два гола.