Наташа Андонова кариерата ја продолжува во Саудиска Арабија

Најдобрата македонска фудбалерка, Наташа Андонова, кариерата ја продолжува во Саудиска Арабија.

Таа од денеска е нов член на Ал-Шабаб. Андонова е претставена како големо засилување и ќе го носи дресот со број „9“.

Андонова во последните седум години настапуваше во шпанската Ла Лига каде играше за Барселона и за Леванте.

Ал Шабаб е клуб формиран пред седум години, тренер е шпанскиот стручњак Мигел Моралес, а најголем успех досега му е пласманот во финалето од националниот Куп.

Во првенството на Саудиска Арабија има десет клубови, а новата сезона почнува на 27 септември. За македонската репрезентација, Андонова има 33 настапи и 14 постигнати голови со што е втор стрелец на сите времиња.