Рафаел Надал е последниот полуфиналист на Австралија Опен, откако попладнево во три сета го победи Милош Раониќ, 6:4, 7:6, 6:4.
Шпанскиот тенисер помотивирано го започна денешниот дуел и неочекувано лесно се справуваше со силните сервиси на Раониќ. Во седмиот гем Рафа прв направи брејк и со два сигурни гема на свој сервис поведе со 1-0 во сетови.
Александар Вучковски - сомелиер: Како македонските вина го освојуваат светот? ↓↓↓
Вториот сет ни донесе доста понеизвесен и повозбудлив тенис во кој двата тенисери не ги загубија своите сервиси и се замина во тај-брејк. Таму повторно по голема борба со 9-7 поуспешен беше Надал и заслужено стигна до водство од 2-0.
И во третиот сет се играше рамноправен тенис сè до 10. гем кога Надал можеби го одигра најдобриот гем на сервис на Раониќ и без загубен поен го освои и за првпат по 2014 година се пласира на едно полуфинале од Грен слем турнир.
Во полуфиналето Надал ќе се сретне со Григор Димитров, кој утрово беше поуспешен од Гофин, додека другото полуфинале го сочинуваат Швајцарците, Стен Вавринка и Роџер Федерер.
Учество во игри на среќа е дозволено за лица со 18+ години. Играј одговорно!