Мурињо: Марадона сите го знаевте, ретко кој го знаеше Диего, ми се јавуваше по секој пораз

Жозе Мурињо како и целиот фудбалски свет беше шокиран од смртта на Диего Армандо Марадона.

Португалецот се огласи на Инстаграм веднаш по шокантната вест, а сега и зборуваше пред медиумите.

„Искрено, нема да ми недостига Марадона. Постоеше Марадона кој сите го знаете и постоеше Диего кој ретко кој го познаваше, јас бев еден од ретките. Бев близок со Диего кој имаше огромно срце. После секој пораз ми се јавуваше. Ме тешеше зборувајќи: „Моу, немој никогаш да заборавиш дека ти си најдобар во светот“. Тоа е она што најмногу ќе ми недостига. На своите фудбалери денес им кажав кој беше Диего“, изјави Мурињо.