Милан пратил скаути за „новиот Модриќ“

Италијанските медиуми пренесуваат дека Милан испратил скаути на „Максимир“ за мечот Динамо Загреб – Феенорд.

Милан во последно време купува талентирани млади играчи, а нова цел на „росонерите“ е Ловро Мајер кого го нарекуваат „новиот Лука Модриќ“.

Скаути на неколку европски гиганти го гледале синоќа настапот на Мајер против Феенорд, кој одигра добар меч и беше високо оценет.

„Станува збор за еден од најголемите хрватски таленто, со исклучителна техника и еднакво добро игра во двете насоки. Го следат неколку европски гиганти, а тој има договор со Динамо до 2023 година. Според начинот на игра го доби епитетот новиот Лука Модриќ“, пишува „Калчомеркато“.

Динамо Загреб е познат како „расадник“ на таленти, а за слободата на Мајер бара 10 милиони евра.