Маурицио Сари повикан на итен состанок со раководството на Јувентус

Јувентус минатиот викенд доживеа неочекуван пораз на гостувањето против Верона и така му ја препушти лидерската позиција на Интер.

По натпреварот со Верона, навивачите на Јувентус и експертската јавност најмногу го критикуваа Маурицио Сари и сметаат дека тој е најголем виновник за ваквите резултати и апатијата во тимот.

Поради тоа Маурисио Сари бил повикан на разговор со претседателот на клубот Андреа Ањели како и со спортскиот директор Фабио Паратичи. „Ла Стампа“ пренесува дека челниците на Јувентус сакале одговор и анализа за поразот од Верона, но се уште не е познато дали го впериле прстот директно кон искусниот стратег.

Јувентус во четврток ќе му гостува на Милан во полуфиналето од Купот, а од Сари се бари веднаш да ги подобри резултатите во Серија А и одлични настапи во Лигата на шампиони.

#Juventus, cena tra Agnelli, Paratici e Sarri: sul tavolo la crisi bianconera https://t.co/Vrxmt1h8Xi

— Corriere dello Sport (@CorSport) February 11, 2020