Лудница во Серија А: Ваква ситуација не се памети долго време

Со вчерашните натпревари од 12. коло во Серија А се дојде до една ретко видена ситуација во врвот на табелата.

На врвот во Серија А по 12 одиграни натпревари е вистинска гужва и првото и шестото место се на разлика од само два боеда.

Наполи со освоениот бод во дербито со Иинтер е на првата позиција со 26 бода, а потоа со ист број на бодови има дури четири екипи. Аталанта, Фиорентина, Интер и Лацио се на 25, додека шести е Јувентус со бод помалку.

Треба да се спомене и дека Јувентус е единствената непоразена екипа во првенството, но „старата дама“ одигра дури шест нерешени натпревари.