Лихштајнер става крај на кариерата

Десниот бек на Арсенал и швајцарската репрезентација размислува да стави крај на својата фудбалска кариера на крајот на сезоната.

Лихштајнер ова лето како слободен играч се пресели во Арсенал, но до сега одигра само 55 минути во четири натпревари, па сега 34-годишниот Швајцарец потврди дека сериозно размислува да стави крај на кариерата.

„Ако сметам дека не сум на потребното ниво, нема да се откажам само од репрезентацијата, туку би ставил крај на кариерата. Во текот на летото ме сакаа 5 клуба кои ми гарантираа место во стартниот тим, но јас сакав да се преселам во голем клуб“, открива Швајцарецот.

„Знаев дека во Арсенал ќе се борам за место со Белерин, но за мене е невообичаено да бидам резерва. Во првите три меча бев резерва, ако тоа продолжи на крајот на сезоната има големи шанси да ставам крај на кариерата“, додаде Лихштајнер.

Lichtsteiner on not featuring for #Arsenal yet: "I could have changed to five other clubs in the summer, knowing that I would certainly play 47 out of 50 serious matches" pic.twitter.com/y5Wn77xUZ4

— Gurjit (@GurjitAFC) September 10, 2018