Легендата на Барса: Нејмар не би го вратил ниту да дојде клечејќи

Спортските медиуми ширум светот овие денови на големо пишуваат за враќањето на Нејмар во Барселона.

Мислењета кај навивачите се поделени, дел би прифатиле Нејмар да се врати, а други пак го осудуваат и не сакаат повторно да го гледаат во дресот на Каталонците.

Помеѓу овие вторите е и легендарниот крилен напаѓач Франсиско Хозе Караско. Овој играч помина дури 11 сезони како играч на Барселона во периодот помеѓу 1978 и 1989 година. Караско кој е повеќе познат како Лобо дресот на Барселона го носеше на 250 натпревари и со овој клуб освои 10 трофеи.

Лобо е категоричен и смета дека Нејмар не треба да биде вратен.

„Од она што го гледам и слушам мислам дека Валверде нема да дозволи доаѓање на Нејмар и да се откаже од Дембеле. Нејмар е одличен фудбалер и во тоа нема сомневање, меѓутоа јас се сомневам во неговата интелегенција. Тој не е интелегентен фудбалер. Јас не би му простил ниту да дојде клечејќи. Нејмар не покажа посветеност пред две години“, изјави легендарниот Лобо.