Криза или случајност? Ова на Реал не му се случило никогаш во историјата

Реал Мадрид вчера со мешавина од вториот и третиот тим на домашен терен одигра2:2 со Фуенлабрада и така се пласира во осмина финалето од Кралскиот куп.

Ова е прв пат во историјата некоја екипа од пониските лиги да не биде поразена на „Сантиаго Бернабеу“. Никогаш порано не се случила ваква ситуација, а гостите се изборија за реми со гол во 89. Минута, откако Реал во второто полуреме направи пресврт на нивното водство.

Тимот на Фуенлабрада моментално е водечки во шпанската Секунда и има одлична шанса за влез во елитата. Интересно е што овој тим оваа сезона нема пораз на гостински терен и има седум победи и едно реми на 8 гостински натпревари.

Синоќа не паднаа ни на „Сантиаго Бернабеу“ и така станаа единствената екипа од втора лига која останала непоразена во Мадрид.