„Кореа и Лаутаро се пронаоѓаат како да имаат ЏПС“

Интер одлично ја отвори новата сезона во Серија А.

Актуелниот шампион на Италија без поголеми проблеми славеше против Џенова и Верона и покажа дека и сезонава ќе биде еден од главните кандидати за Скудетото.

Лаутаро, Џеко и Кореа во нападот изгледаат одлично. Поранешниот напаѓач на Интер, Жулио Круз е задоволен од тоа како изгледа аргентинскиот тандем.

„Го гледав натпреварот на Аргентина против Венецуела со пријателите. Лаутаро и Кореа се пронаоѓаат како да имаат ЏПС. Многу добро се разбираат и се покриваат. Тоа што играат заедно и во клубот и во репрезентацијата само дополнително ќе ги подобри“, изјави Круз.

Кореа имаше фантастично деби во дресот на Интер. Влезе во игра натпреварот со Верона и постигна два гола за победа.