Клоп: Сега сите сакаат да играат за Ливерпул!

Тренерот на Ливерпул, Јирген Клоп може да биде задоволен од направеното од кога стигна на „Енфилд“, но она што во големите клубови се смета се трофеите.

Сепак, дека во Ливерпул е многу подобра ситуацијата отколку порано ретко кој може да негира. Дури ниту Клоп, кој нагласи дека сега никој не сака да си оди од клубот, без оглед на тоа што Кутињо во Барселона се пресели минатата зима.

„Општата ситуација во клубот е одлична, не само на трибините, туку и околу клубот. Ние сме Ливерпул и момчињата сакаат да бидат дел од тоа. Тоа е голем успех за нас, момците како Фирмино, Салах и Мане можат да играат за било кој друг тим во светот. Ја подобривме ситуацијата, бидејќи повеќе не не искористуваат со цел да си заминат понатаму.“

„Тоа е убаво, но сега мораме да работиме напорно за да се докажеме на теренот. Потпишете договор и продолжете да работете“, изјави темпераментниот стратег.