Клоп не се плаши од отказ: Моја работа е да откријам зошто не ни оди добро

Tимот на Ливерпул доживеа вистински дебакл во Лигата на шампионите откако во Неапол Наполи ги совлада со 4:1.

По натпреварот и Јирген Клоп призна дека проблеми имале и истите биле очигледни.

„Очигледни беа проблемите. Наполи одигра многу добар натпревар, а ние многу лош. Зошто не игравме добро? Поради стартот, пенал, па нов пенал…Не се игра лесно во ваква атмосфера. За 60 минути воопшто не направивме контрапресинг во 60 минути, малку се променија работите со влегувањето на Тиаго“.

„Мојата задача е да го најдам проблемот и да откријам зошто не оди добро. Ова не е првпат да не бидеме добри, дел од причината знаем. Моја одговорност е и ќе се обидам да разберам каде точно сум згрешил“.

Новинарите го запрашаа дали се плаши од судбина како на Тухел кој вчера доби отказ по поразот од Динамо Загреб.

„Не сум во таква ситуација. Сопствениците очекуваат јас да ја решам ситуацијата, а не некој друг“, потенцираше германскиот стратег.