Клоп: Мане е симбол на прогресот на Ливерпул

Менаџерот на Ливерпул, Јирген Клоп смета дека Садио Мане е симбол на развивањето на тимот во последните години.

Сенегалецот ја игра четвртата сезона на „Енфилд“ и оваа сезона ја одигра фантастилно.

„Во последните години тимот направи големи чекори во развивањето. Садио е пример за тоа како целиот тим стана посилен. Како од еден навистина добар фудбалер тој се претвори во шампион од светска класа“, смета Клоп.

„Се сеќавам кога го зедовме од Саутемптон, му недостасуваше континуитет. Меѓутоа, сега Мане е на едно друго ниво како фудбалер и постојано игра на високо ниво, како во офанзива, така и во дефанзива. Можам да го кажам истото и за останатите фудбалери“, заклучи Германецот.