Клоп во свој стил го коментираше враќањето на Роџерс во Премиер лигата

Брендан Роџерс го напушти Селтик и се враќа во Англија, каде што денеска треба да го превземе Лестер, откако што Клод Пјуел доби отказ.

Роџерс со Селтик освои две тројни круин и е на чекор до третата, но одлучи да ја прифати понудата од Лестер, бидејќи повторно сака да работи во Премиер лигата. Од 2012. до 2015. го водеше Ливерпул со кого во 2014. година беше на чекор до титулата шампион.

Кога си замина од Англија, својата куќа во Ливерпул му ја изнајмил на Јирген Клоп, кој во свој стил го прокоментира неговото враќање во Премиер лигата.

„Се е добро додека не го превземе Евертон. Ако тоа се случи, веројатно ќе морам да се отселам, бидејќи претпоставувам дека би сакал да живее во својата куќа“, изјави тренерот на Ливерпул.