Киелини: На Италија и претстои тежок период

Дефанзивецот на Италија, Џорџо Киелини е загрижен за иднината на „аѕурите“ и тврди дека пред репрезентацијата претстои тежок период.

Киелини беше разочаран по поразот од Аргентина со 0:3, а тоа воедно беше и негов последен меч за репрезентацијата.

„Се надевавме дека ќе победиме, но тоа не ги негира нашите досегашни заслуги. Ова го кажав и претходно, ни претстои тежок период на трансформација, бидејќи генерацијата се менува. Се надевам дека навивачите ќе не поддржат, бидејќи тоа му треба на тимот“, изјави Киелини по мечот.