Карагер: Укинете го ВАР, ова е срамота

Манчестер Јунајтед загуби со 4-3 во луд натпревар против Копенхаген во средата вечерта во Лигата на шампионите.

Манчестер поведе со 0:2, но на крајот не успеа да дојде до бод. Играчот на англискиот тим Маркус Рашфорд доби црвен картон во 42. минута. Одлуката е донесена по прегледувањето на снимката со помош на ВАР.

Поранешниот играч на Ливерпул, а сега стручен ко-коментатор Џејми Карагер напиша на Твитер за време на тој натпревар: „Дојде време да се укине ВАР. Ова е срамота“.

„Нема шанси Рашфорд да заслужи црвен картон. Ги мразам овие бавни движења каде сè изгледа десет пати полошо отколку што навистина беше“, додаде Карагер во својата остра критика за ВАР.