Капитенот на Русија одби повик од селекторот поради војната во Украина

Капитенот на руската фудбалска репрезентација, Артјум Џуба нема да се приклучи на тренинзите на националниот тим, кои почнуваат на 21 март.

Селекторот на репрезентацијата Валериј Карпин потврдил дека Џуба ќе отсуствува од собирот на репрезенрацијата.

„Разговараме со Артјум телефонски, не увери дека навистина сака да игра за репрезентацијата. Но, сега не може поради тешката ситуација во Украина каде има многу роднини. Се извини и замоли од семејни причини да не викаме на собирот“, изјави селекторот.

ФИФА ја исфрли Русија од баражот за пласман на Светското првенство во Катар, но и покрај таа суспензија од УЕФА и ФИФА, селекторот Карпин, најави собир на 21 март, а потоа ќе има и пријателски меч против руската селекција до 21 година.