Каков ден за навивачите на Јунајтед: Пристигна Ван Бисака, а сега потпишува и англискиот репрезентативец

Арон Ван-Бисака е првото засилување за Манчестер Јунајтед за наредната сезона.

Црвените ѓаволи зза 55 милиони евра го купија бекот на Кристал Палас, а тој нормално нема да биде единственото засилување. Се очекува доаѓање на уште неколку играчи, но засилувања можат да се наречат и оние кои одлучија да останат во клубот и за наредната сезона.

Иако се поврзуваше со многу клубови, Маркус Рашфорд одлучи да остане лојален на Манчестер и е спремен да потпише нов договор.

Англискиот репрезентативец порасна во Манчестер и не сака така чесно да му заврти грб на клубот. Ги прифатил условите во новиот договор и се очекува наскоро да го потпише истиот.

Пред Рашфорд, потпис на нов договор стави и Хуан Мата, потпиша и Даниел Џејмс од Свонси за 20 милиони евра и полека се формира тимот со кој Солскјер ќе го нападне врвот на ПЛ следната сезона.

Ако тоа воопшто е и реално покрај Манчестер Сити и Ливерпул, кои и следната сезона ќе ја водат главната битка за титулата.