Замената за Икарди пристигнува од Манчестер

После проблематичната сезона која ја имаше Мауро Икарди, челниците на Интер донеле одлука да го продадат Аргентинецот на крајот на сезоната.

Аргентинецот го навлече и гневот на навивачите, па јасно е дека неговите денови на „Џузепе Меаца“ се изброени, а раководството веќе почна да бара негова замена.

Италијанските медиуми пренесуваат дека Интер како идеална замена за Икарди го означил белгискиот репрезентативец, Ромелу Лукаку.

Англиските медиуми пренесуваат дека Солскјер дал зелено светло за продажба на Ромелу Лукаку и Манчестер Јунајтед е спремен да ги слушне понудите за белгискиот репрезентативец.

Лукаку падна во сенка на Маркус Рашфорд, Солскјер едноставно преферира друг тим на напаѓачи и планира со неговата продажба да го зголеми буџетот за доведување на крилен напаѓач.

Таквата ситуација сака да ја искористи Интер и да го донесе 25-годишниот напаѓач во Милано, па веќе спремил првична понуда од 50 милиони евра.

Јунајтед за него плати 85 милиони евра пред две години, а англиските медиуми тврдат дека за неговата слобода „црвените ѓаволи“ ќе бараат 70 милиони евра.

Manchester United are prepared to listen to offers for Romelu Lukaku this summer, with the 25-year-old Belgium striker open to a move away from Old Trafford. (Source: Daily Telegraph) pic.twitter.com/p6XxhcU7L6

— Transfer News Live (@DeadlineDayLive) April 20, 2019