Ди Марцио: Трансферот на Перишиќ пропадна во последните минути од преодниот рок

Италијанскиот трансфер експерт Фабрицио Романо вчера во 23:10 часот објави дека е постигнат вербален договор и дека Иван Перишиќ кариерата ќе ја продолжи во новиот италијански прволигаш Комо.

После тоа, Индекс објави дека се е договорено со Комо. Сепак, Џанлука ди Марцио, друг италијански инсајдер и експерт за фудбалски трансфери, три минути пред полноќ објави дека договорот пропаднал.

„Иван Перишиќ нема да го носи дресот на Комо“, напиша тој, објаснувајќи дека враќањето на хрватскиот репрезентативец во Италија каде настапуваше за Интер, пропаднало во последните минути од преодниот рок, кој заврши на полноќ во Италија.

Комо не успеа да го заврши трансферот пред истекот на рокот, додаде тој.