Директорот потврди, Бразилецот од 50 милиони евра од јули во Премиер лигата!

Директорот потврди Бразилецот од 50 милиони евра од јули пристигнува во Премиер лигата.

Oдличниот фудбалер на Шахтјор, Бразилецот Фред од лето ќе го замени Шахтјор и украинската лига со една од најсилните лиги во светот Премиер лигата, потврдата стигна од директорот на украинскиот клуб.

Сепак го остави отворено прашањето дали ќе заврши во Манчестер Јунјатед или Манчестер Сити.

„Фред заминува во јули. Ако не премине во Манчестер Сити, тогаш ќе оди во Премиер лигата. Тој од поодамна е спремен да игра во најсилната лига во светот. Не само што е добар фудбалер, Фред е и голем професионалец“, изјави Сергеј Палкин.

Според последните информации од Островот, Манчестер Сити повеќе не е толку заинтересиран за 25 годишниот играч за врска, па најверојатно како единствена опција останува Манчестер Јунајтед.

Иначе, цената за која овој фудбалер ќе ја замени Украина со Англија се очекува да изнесува околу 50 милиони евра.