Дефанзивец на ПСЖ пред трансфер на „Олд Трафорд“

Белгискиот интернационалец Томас Муние ова лето ќе го напушти Пари Сен Жермен, а медиумите тврдат дека е блиску до трансфер на „Олд Трафорд“.

27-годишниот десен бек е трансфер мета и на Арсенал, но последните информации говорат дека Манчестер Јунајтед победил во трката за неговиот потпис.

Првиот избор на Оле Гунар Солскјер за десен бек беше Арон Ван Бисака, но „црвените ѓаволи“ се откажаа бидејќи Кристал Палас постави цена од 60 милиони фунти.

Муние беше дел од белгискиот тим на СП 2018 кој го осво третото место, но во ПСЖ не добива голема минутажа, па реши да ја промени средината.

Раководството на „црвените ѓаволи“ е подготвено да плати 25 милиони евра за неговиот потпис.