Двајца фудбалери до крајот на преодниот рок ќе го напуштат Манчестер Јунајтед

Фудбалерот од средниот ред на Манчестер Јунајтед, Фред, како што стојат работите летово ќе има нов клуб.

Се очекува 30-годишниот бразилски репрезентативец да се пресели во нова средина. Според информациите на Фабрицио Романо трансферот би можел да се реализира во текот на оваа недела.

Поранешниот играч на Шахтјор имаше турбулентни периоди од доаѓањето на „Олд Трафорд“ и сега сака да го напушти клубот за да игра редовно. Фред не е стартер во Манчестер и малку е веројатно дека ќе добие доволно време за игра следната сезона.

Во меѓувреме Јунајтед е во потрага по ново засилување од средината на теренот. Покрај Фред пред заминување е и Дони Ван Де Бек кој не се прослави на „Олд Трафорд“. Како што стојат работите Холанѓанецот може да го засили Реал Сосиедад.