Голем удар за Реал пред дуелите со Баерн и Барса!

Победата над Баерн во Минхен донесе и една лоша вест за „кралевите“, а тоа е повредата на Герет Бејл.

Велшанецот доживеа повреда на мускулот и ќе биде под знак прашалник за реваншот со Баварците, како и за „Ел Класико“ следниот викенд.

Бејл на полувремето се пожали на болки во мускулот поради што Зидан мораше да го извади од игра на полетокот на второто полувреме.

Сеуште не е познато со точност колку е сериозна повредата, но сигурно е дека Бејл ќе го пропушти мечот со Спортинг Хихон во сабота.