Гвардиола: Едвај ја чекам истрагата на УЕФА

Манчестер Сити се наоѓа под сериозна истрага на УЕФА која е на добар пат да ги разоткрие финансиските малверзации кои наводно овој клуб ги правел во изминатите години.

„Граѓаните“ се обвинуваат дека ги лажирале спонзорските договори со цел да можат да трошат повеќе пари за купување на играчи со што го прекршија Финансискиот фер плеј.

После победата против Вотфорд новинарите ги интересираше што за тоа мисли менаџерот на овој клуб, Пеп Гвардиола.

„УЕФА го прави тоа што го прави, клубот ќе излезе со официјално соопштение. Ако сме направиле нешто нерегуларно тоа ќе се знае, а ако не луѓето ќе престанат да зборуваат за тоа. Затоа евај ја чекам истрагата. Сакам да нагласам дека верувам во луѓето, клубот и комплетната организација. Ако нешто не е во ред тие ќе ни кажат“, изјави Гвардиола.