Во Париз следи клучен разговор

Како што изгледа сагата околу ѕвездата на ПСЖ, Килијан Мбапе ќе потрае до крајот на летото.

Младиот напаѓач соопшти дека нема да го продолжи договорот кој му истекува на крајот на новата сезона, а во Париз таквиот исход на ситуацијата не им се допаѓа. ПСЖ и раководството јасно му поставија ултиматум на Мбапе – продолжување на договорот или заминување до крајот на ова лето.

Според информациите на реномираниот „Скај Спорт“ сега е следи состанок помеѓу Мбапе и Насер Ал Келаифи на кој ќе бидат разјаснети дилемите.

Разговорот помеѓу Мбапе и Келаифи ќе биде прв од објавувањето на вест дека Мбапе нема да стави потпис на нов договор. Засега според јавно искажаните ставови не изгледа дека може да дојде до договор, но останува времето да покаже.